Tuesday, January 3, 2012

Hum-Tum

Hum - Tum 


© 2011 Shrina Vaidik



Hadd ki hadd hai humara yun sochna tumhe
Yeh jaankar bhi anjaan banna gawara hai tumhe

Tumhara hona hi bezubaan kar deta hai is kadar
ki saza dena to door khud par hi haavi hone dete hain tumhe

Chahoge bhi to humse yeh shart naa jeet paoge
ki chaha hai humne jitna tumhe, koi bilkul waisa hi dhoondh laoge

Achambha hota hai yeh jankar ki, jo kabhi chahte naa the wahi kar baithe
Ainthan mein raha karte the kabhi lekin ab kismat ko bhi manaane lage

Aur ab to kounsi hadd kiski hai yeh usool bhi kahin kho chuke
Teri chah mein ab hum khud ko hi bhoola chuke




~ Shrina (3rd January, 2012)